Ginakahangaw-an sang Malakanyang sang padayon nga pagpabilin sang “monster ship” sang China Coast Guards sa exclusive economic zone (EEZ) sang Pilipinas.
Gipahayag ni Executive Secretary Lucas Bersamin, nga ang presensya sang monster ship sa kadagatan sang Pilipinas ang “matter of projection” kag nagakabalaka sila angut diri.
Sa karon suno kay Bersamin, pinaagi sa Coast Guard nga nakaalerto ginahangkat nila ang presensya sang monster ship nga nagtuhaw sa EEZ sang pungsod.
Apisar may counter-challenge man ang China Coast Guard, epektibo man ini kag wala sang confrontational nga nagakatabo.
Gin-athag naman sang tiglikom nga may mas mataas nga mekanismo nga ginahimo ang gobyerno agud ipalab-ot sa China nga yara ang mga ini sa sulod sang EEZ sang Pilipinas kag ini amu ang pag-file sang protest, demarching kag ang permanent appratus nga vice ministerial level.
Masami man suno diri nagahinun-anon ang Beijing kag Pilipinas agud mag-host sang vice ministerial level conference nga isa ka sabat para sa peaceful settlement sa ginaagawan nga West Philippine Sea (WPS) nga amu ang nakasakop sa maritime domain sang pungsod, EEZ kag territorial sea sang Pilipinas.
