Ginhingyo sang Malacañang si Senador Ronald “Bato” dela Rosa nga mag-atubang kag atubangon ang panumbungon batuk sa iya.
Ini ang ginhatagan pagtamod sang Palasyo, kadungan man sang nauna nga pahayag ni Senador Robin Padilla.
Suno kay Palace Press Officer and Communications USec. Claire Castro nga bilang anay hepe sang National Police, dapat mahibaluan ni dela Rosa nga may yara sang valid arrest warrant nga gin-issue sang International Criminal Court (ICC) kag kun inosente ini, dapat nga maggwa ini.
Nagpaandam man ang opisyal nga kun magtinguha nga magpalagyo si dela Rosa, dakpon ini base man sa pahayag sang Department of Justice.
Pahayag pa ni Castro, ginarespeto sang Presidente kag sang administrasyon ang pending nga kaso sa Korte Suprema apang suno sa iya indi kinahanglan nga magpalagyo ang senador sa pungsod.
Nahibaluan nga nalakip si Dela Rosa sa listahan sang ICC nga ginapangita bangud sa crimes against humanity may kaangtanan sa drug war sang administrasyon ni Duterte.
