Nagpagwa ang Office of the President sang Memorandum Circular No. 106 nga naga-atas sang suspensyon sang trabaho sa mga ahensya sang gobyerno sa National Capital Region, Cordillera Administrative Region, kag Regions I, II, III, IV-A, IV-B, V, kag VIII sa Nobyembre 10, 2025, bilang preparasyon sa ginapaabot nga mabaskog nga epekto sang Super Typhoon Uwan.
Suno sa memorandum nga pirmado ni Executive Secretary Lucas P. Bersamin, ginmanduan man ang suspensyon sang tanan nga klase sa tanan nga lebel sa mga gin-istoryahan nga rehiyon, lakip na ang Region VI, Region VII, kag Negros Island Region, sa mga petsa Nobyembre 10 kag 11, 2025.
Ginpahanumdom man sang Malacañang nga ang mga ahensya sang gobyerno nga naga-responder sa basic, vital, kag health services, upod man ang mga naga-atipan sang preparedness kag response operations, kinahanglan magpadayon sa operasyon. Ginahatagan man sang kahigayunan ang iban nga mga ahensya sa mga apektado nga rehiyon nga magpatuman sang alternate work arrangements suno sa nagakaigo nga mga lagda kag regulasyon.
Ang suspensyon sang trabaho sa mga pribado nga opisina kag kompanya yara naman sa disisyon sang ila mga tagsa ka ulo. Ang amo nga circular magapatuman dayon halin sa petsa sang pagpagwa sini.
