Nagpamalibad nga maghatag sang komento ang Malacañang sa plano nga pagpasaka sang impeachment complaint ni Cavite Representative Francisco “Kiko” Barzaga batuk kay Presidente Ferdinand Marcos Jr.
Suno kay Palace Press Officer USec Claire Castro, responsable ang House of Representatives sa proseso sang impeachment kag responsibilidad sang mga mamalidha ang pagproseso sini.
Una na nga nagpanawagan si Rep.Barzaga nga mag-resign ang Presidente, sa tunga sang iya mga alegasyon sang korapsyon sa Malacañang apang ginpamatukan ini sang Malacañang.
Dugang pa ni Castro, mabudlay maghambal nga wala sang ebidensya, ilabi na nga mahapos mag-akusar, mahapos maghambal sang isa ka butang kag kun wala sang ebidensya, indi dapat pagpatihan.
Sa pihak sang panawagan sang impeachment, resignation, kag people power gikan kay Rep. Barzaga, ginpahayag ni Castro nga wala ini ginatalupangod sang Presidente.
Ginhatagan pagtamod ni Castro nga masako ang Presidente kag madamo sang ginaobra kag wala nagasapak sa sini nga mga sahi sang isyu.
