Pormal na nga nagpagwa sang Executive Order ang Malacañang sa pagpatuman sang P50 price cap sa imported rice, bilang tikang agud malikawan ang pagsaka sang inflation kag mapabilin nga barato ang presyo sang bugas.
Matandaan nga gin-anunsyo ni President Ferdinand Marcos Jr. ang nasambit nga polisa kasunod sang nagapadayon nga tensyon sa Middle East nga nakaapekto sa pangkalibutanon nga presyo sang gatong kag pagkaon.
Suno sa Malacañang, ginmanduan man ang Department of Agriculture nga gilayon nga atubangon ang rice inflation matapos narekord ang 13.7% nga pagtaas sang presyo sang bugas sang Abril.
Samtang, natalana liwat nga makigsapol ang UPLIFT Committee sa Mayo 19 agud istoryahan ang dugang nga mga tikang agud maproteksyunan ang ekonomiya batok sa epekto sang krisis sa Middle East.
