Ginpanginwala sang Palasyo sang Malakanyang nga divertionary tactics ang pag-aresto sang Interpol kay anay Presidente Rodrigo Duterte.
Sabat ini sang Malakanyang sa akusasyon ni Davao City Mayor Baste Duterte nga ang pag-aresto sa iya nga ama ang diversionary tactic agud suno makalimtan ang isyu sang Philhealth kag ang 2025 national budget.
Suno kay Palace Press Officer Claire Castro nga kaya naman nila nga e-eksplekar ang isyu sa Philhealth kag sa pagkamatuod may yara na nga ginsaysay nahanungod diri nga indi lang napaguha bangud man nakafocus sa pulitika.
Nahanungod naman sa GAA, nanindugan ang Palasyo sa masunod ini sa enrolled bill principle.
Dugang pa ni Castro, mainit lang nga gina-istoryahan ang pagdakop sa anay presidente bangud sa adlaw-adlaw nga balita.
Sa pagbalik ni Castro, wala gina-istoryahan sa karon ang confidential fund ni Vice President Sara Duterte bangud sa pagkadakop sa anay Presidente.
