Ginsiguro sang Malakanyang nga mas hugot ang mga kondisyon sa pagpaguha sang pondo subong nga tuig.
Suno kay Executive Sec. Lucas Bersamin, ini ang para masiguro nga ang paggastos sang pondo ang naayon sa mga prayoridad sang gobyerno kag para ma-protektahan nagikan sa partisan interests.
Pahayag ni Bersamin, mangin transparent ang pagpaguha sang mga pondo alinsunod sa mga batas kag sa mga hilikuton sang maayo nga gobyerno.
Ginkilala suno sang gobyerno nga ang pagpondo sa budget ang ginapas-an sang taumbayan rason nga dapat lang nga makita ang mga sakripisyo nga ini sa implementasyon.
Liwat naman nga ginpahanumduman ni Bersamin nga direkta nga ginveto ni Presidente Marcos ang pinakadako nga balor sang appropriations sa kasaysayan butang nga wala pa sang Presidente ang naghimo.
Pagkatapos nga mausisa nga review, ginmandu sini ang pagbalhin sang bilyones nga pondo sa mga proyekto kag programa nga mapuslan sang mga tawo.
Ginhimo ni Bersamin ang pahayag kasunod sang panawagan sang mga kaparian sa mga tumuluo nga ayawan ang ginatawag nila nga ayuda-driven 2025 national budget nga ginapahayag nagasuporta sang corruption kag patronage politics.
