Nagapabilin sa pinakamataas nga lebel ang seguridad sa Palasyo sang Malacañang.
Ini ang ginpahayag ni Department of Interior and Local Government Secretary (DILG) Jonvic Remulla, kasunod sang kinagamo nga nagluntad sa Mendiola.
Suno kay Remulla, nagapabilin ang pamahog sa Palasyo, ilabi na nga ini ang sentro sang Gahum sang gobyerno.
Bangud sini, wala ginapanubo ang alert level sa Malacañang.
Ginkumpirmar man ni Remulla nga yara sa secured area sa palasyo si Presidente Marcos kahapon kag ginmonitor niya ang mga hitabo sa mga protesta.
Suno sa iya, nag-istoryahanay sila sang Presidente kahapon kag bangud sang tensyon, ginpadala sang Presidente si Remulla sa Mendiola agud personal nga i-assess ang sitwasyon.
Ginpanindugan ni Remulla, nakahibalo si Presidente Marcos sa nagakatabo.
