Tubtob sa kawon wala pa sang nabaton nga kopya sang warrant of arrest nga gin-isyu sang International Criminal Court (ICC) batuk kay anay Presidente Rodrigo Duterte.
Nagahulat pa ang Malakanyang sang opisyal nga kopya sang ginapahayag warrant of arrest.
Suno kay Palace Press Officer, USec Atty. Claire Castro nga indi nila makumpirma ang impormasyon nga ini tubtob wala sila sang nakukuha nga pisikal nga kopya sang arrest warrant.
Ginpahayag ni Castro, bangud indi na miyembro sang ICC ang Pilipinas may nagkalin-lain nga iban nga option suno sa iya ang ICC agud ipalab-ot sa gobyerno ang warrant of arrest kun may yara man sila nga gin-isyu.
Pwede suno ito nga ipadala sa office of the president, sa Dept of Justice ukon sa pungsod kun na diin yara ang aksyonan ang tawo nga subject sang arrest warrant.
Pananglitan suno may makuha sila nga official copy sang warrant of arrest, gilayon nila ito nga isapubliko.
