Nagpaandam ang state weather bureau nga mahimo magpadayon ang pag-ulan sa dalagku nga bahin sang pungsod tubtob sa Martes, Hulyo 14, bangud sang southwest monsoon ukon(Habagat).
Base sa forecast, kasarangan tubtob mabaskog nga pag-ulan ang lauman sa pila ka mga lugar, lakip na ang Zambales, Bataan, Occidental Mindoro, Metro Manila, kag iban pa nga mga probinsya sa Luzon kag Visayas.
Suno sa weather bureau, mahimo maglab-ot sa 100 tubtub 200 millimeters ang pagtupa sang ulan sa pila ka mga lugar, samtang ang iban pa nga apektado nga probinsya mahimo makakita sang 50 tubtub 100 millimeters.
Nagpaandam man ang ahensya nga ang padayon nga pagtupa sang ulan mahimo nga magtuga sang malapnagon nga pagbaha kag pagtiphag sang duta sa mga vulnerable areas.
