Malapnagon nga sunog nga nagluntad sa residential area sa Binondo, Manila, padayon nga ginapalong

Padayon ang pagpalong sang Bureau of Fire Protection (BFP) sa daku nga sunog nga nagluntad sa Parola compound, Binondo, Manila.

Nagluntad ang sunog pasado alas tres sang hapon subong nga adlaw, Sabado, Mayo 23.

Sa subong yara sa high alert ang Task Force Charlie.

Nagpangayo sang posible nga bulig ang city government sang Manila sa Philippine Air Force agud nga mapalong ang daku nga sunog gikan sa kahanginan.

Sa subong, wala pa madeterminar ang gintunaan sang sunog kag padayon pa nga ginahibalo sang BFP kun may casualties kag kun pila ka mga balay ang apektado sang sunog.