ROXAS CITY -Aminado ang dispatcher sang Maldita group nga madamo sang mga pasahero nga magapadulong kuntani sa Iloilo apang wala nakasakay sa Ceres bus liner ang nagasakay sa van via Estancia, Iloilo kag nagapanug sa Balasan, Iloilo para magtransfer sa isa ka van nga magapadulong sa Iloilo.
Ginpahayag ni Wilfredo Hangol nga siyam lamang ka mga pasahero ang minimum sitting capacity sa isa ka van bilang pagsunod sa physical distancing nga ginapatuman sang gobyerno agud malikawan ang COVID-19.
Ginkumpirma man sini nga nagsaka sang P40.00 ukon P120.00 na sa karon ang pamasahe gikan sa Roxas City pakadto sa Balasan sa diin sadto P80.00 lamang.
Samtang ginpahayag sini nga ang pamasahe sang van gikan sa Balasan padulong sa Iloilo ang posible nga nagalab-ot sa P250.
Tuman kadasig ang pagsaka sang mga pasahero sa karon sa diin wala pa maglab-ot sa dyes minutos nga pila sang van, nagalarga na sila .
Bangud kasubong nga ginalauman na sang dispatcher ang madamo nga mga pasahero tuga sang kakulang sang unit sang pampubliko nga salakyan naghimo ini sang pamaagi kasubong sa pagpanagtag sang numero sa magasakay agud mangin sistematiko ang ila pagpasakay sa ila mga pasahero.
