Nagluntad ang malip-ot apang mainit nga argumento sa tunga nanday House Lead Prosecutor Rep. Gerville Luistro kag defense lead counsel nga si Atty. Sheila Sison antes ang opening statement sang impeachment trial ni Vice President Sara Duterte.
Ini matapos nga ginhingyo ni Luistro nga basahon ang apat ka Articles of Impeachment kag may plea kada isa bilang kabahin sang trial proceedings.
Ginkwestyon naman sang lead defense counsel nga si Atty Sheila Sison ang legal nga basehan sang request kag ginhingyo nga ipaathag sang House prosecution panel ang rason sa pag-arraign kay Vice President Duterte.
Apang sang ulihi, ginabasura ni Impeachment Trial Presiding Officer Francis “Chiz” Escudero ang request kag ginpahayag niya nga ang articles of Impeachment ang nakasulod na sa rekord sang ginrefer ini sa Committee on Justice, gani indi na kinahanglan nga basahon ini liwat.
