Ginaduso ni Batangas 2nd District Representative Atty. Gerville “Jinky Bitrics” Luistro ang mandatory drug testing sa tanan nga opisina sang gobyerno agud mapabilin ang integridad, accountability, kag pagsalig sang publiko sa iya mga institusyon.
Suno kay Luistro, dapat mangin role model ang mga public servants kag magmentinar sang mataas nga standards of professionalism bangud ang paggamit sang illegal drugs ang nagahalit sa efficiency, decision-making, kag kredibilidad sang gobyerno.
Dugang pa sini nga ang drug testing isa ka preventive kag restorative measure agud maamligan ang interes sang publiko, masiguro ang nagakaigo nga paggamit sang pundo, kag mabuligan ang mga empleyado nga may problema sa substance abuse.
Ginpasalig man ni Luistro nga ang konstitusyonal nga mga kinamatarung, dignidad, kag katarungan pagatahuron sa pagpatuman sini, kag may yara sang maathag nga mga pagsulundan para sa transparency, equality, kag due process sa pagpatigayon sang proseso.
