Mambusao NHS, kampeon sa Tambol-Sonata Drum and Lyre Exhibition sa Sinadya 2019

ROXAS CITY – Nag-kampeon ang Mambusao National High School sa ginpatigayon nga Tambol-Sonata Drum and Lyre Exhibition – Secondary Level kadungan sang selebrasyon sang Sinadya 2019.

Bilang kampeonato, nagbaton ang nasambit nga buluthuan sang P15, 000 nga premyo.

Ginkilala naman bilang 1^st Runner Up ang Saint Catherine Academy nga nakabaton sang P10, 000.

Samtang 2^nd Runner Up naman ang Capiz National High School nga nakabaton sang P5, 000.

Pag-abot naman sa Special Awards, nagdaog sa Best in Music kag Best in Choreography ang Mambusao National High School.

Nakuha sang Hercor College ang Best in Costume award kag nagkadto naman sa majorette leader sang St. Catherine Academy ang Best Majorette Leader award.

Mahibaluan nga ang tanan nga participating schools sa nasambit nga kompetisyon ang nagbaton sang tag-P5, 000 nga consolation prize.