ROXAS CITY- Pilason ang isa ka 60-anyos nga mamumugon matapos ang nagluntad nga shooting incident sa Sitio Ilaya Barangay Cabugao Ivisan, Capiz.
Sa inisyal nga impormasyon nga nakuha sang Bombo Radyo sa Ivisan Municipal Police, natabo ang insidente takna alas 10 kagab-i Abril 9, matapos gina-alegar may yara sang nagluntad nga pagbinaisay sa tunga sang suspek kag biktima may kaangtanan sa reklamo sang biktima sa ginahuptan nga ido sang suspek.
Gilayon naman nga nagkuha sang wala matumod nga armas luthang ang suspek kag ginluthang ang biktima nga naigo sa iya nawala nga paa kag natuo nga hawak.
Naaresto naman ang suspek matapos ang pagresponde sang mga kapulisan kag sa karon nakahunong na sa karsel sang Ivisan MPS para sa nagakaigo nga disposisyon.
Nagapadayon naman ang imbestigasyon sang mga kapulisan sa nasambit nga insidente.//
