Man-og nadakpan sang nagapatrolya nga mga pulis

ROXAS CITY – Isa ka magkal nga man-og ang nadakpan sang mga pulis sa Barangay Sta. Cruz, Ivisan, Capiz.

Ginabulubanta nga masobra tres metros ang kalabaon sang nasambit nga man-og.

Nahibaluan nga mismo ang mga katapu sang Ivisan PNP nga nagapatrolya ang nakakita kag nakadakop sa nasambit nga man-og.

Sa karon yara na sa kostodiya sang Ivisan Municipal Police Station ang nasambit nga sapat.