Manager ginreklamo sa pulisya ang isa ka customer matapos nga ginaalegar nag-iskandalo sa ila nga store

ROXAS CITY – Nagpabalhag sang reklamo sa Roxas City Police Station ang isa ka manager matapos nga nag-iskandalo kag nagpamahog sa sulod sang isa ka store sa Gaisano Boulevard, Roxas City.

Ginkilala ang tagreklamo nga si Patrick Diosaban, 29-anyos sang Barangay Punta Tabuc sining siyudad.

Sandig sa ginpabalhag sang tagreklamo nga nagpadulong sa ila store ang ginareklamo sini nga si Edwin Abalo, 50-anyos sang Barangay Baybay sining siyudad.

Ginaalegar nga nagasinggitan ini sa sulod sang amo nga store kun sa diin ginmulay kag ginhambalan pa sini sang mga malain nga tinaga ang nasambit nga tagreklamo.

Bangud diri, ginpakamaayo na lamang sang tagreklamo nga ipabalhag sa pulisya ang natabo.