Manager sang isa ka establishmento sa Brgy. Lawaan, R.C. nagpabalhag sa RC PNP matapos ginaalegar ginkawatan ang ila opisina

ROXAS CITY – Nagpabalhag sa Roxas City Police Station ang manager sang isa ka establishmento sa Barangay Lawaan sining syudad matapos gina-alegar sini nga ginkawatan ang ila nga opisina.

Ginkilala ang tagreklamo nga si Tristan Roy Llanera, 39 anyos, sang nasambit nga lugar.

Suno sa tagreklamo nga sa iya pagbukas sang ila nga opisina natalupangdan sini nga bukas ang atop sang ila nga building.

Nakita man sang tagreklamo nga bukas na ang drawer sa cashier table kag nadula ang cash nga ginabulubanta nagabalor sang masobra P8mil kag duha ka sapatos nga nagabalor sang P2mil.

Nagapati ang manager nga sa atop nag-agi ang kawatan para makasulod sa ila opisina.

Sa karon padayon nga imbestigasyon sang mga kapulisan sa natabo nga insidente.