ROXAS CITY – Ginhunong sa karsel sang Roxas City Police Station ang isa ka 39 anyos nga lalaki matapos nga ginbuno gamit ang botelya ang iya nga ‘stepfather’ sa Barangay Tiza, Roxas City.
Base sa inisyal nga imbestigasyon sang Roxas City Police Station, nagluntad ang indi pag-intiendihanay sa biktima nga si Rey Fayo, 44 anyos kag manak sini nga suspek nga si Denjie Condez, 39 anyos bangud lunsay yara ang mga ini sa idalom sang impluwensiya sang makahulubog nga ilimnon.
Ginapahayag nga ginlampusan sang suspek sang botelya ang ulo sang biktima kag ginbuno pa ini sa tiyan gamit ang nabuka nga botelya.
Gilayon nga gindala sa ospital ang biktima agud madapatan sang nagakaigo nga pagbulong.
Samtang, wala naman sang plano ang biktima nga pasakaan pa sang panumbungon ang iya nga manak.
