Tyempo na agud makabaton sang maayo nga pagtratar ang mga bakwit ukon evacuees ilabi na ang mga pigado nga nagapadulong sa mga eskwelahan, covered gym sa tion nga may mga kalamidad.
Suno kay Senador Bong Go, malapit nalang nga maganar sang mga bakwit ang matinlo kag komportable nga mga evacuation center sa kada munisipyo ukon syudad.
Ini matapos nakapasar sa ika-duha nga pagbasa sang Senado ang Mandatory Evacuation Center Bill nga ang author amo si Senador Bong Go.
Bangud sini, nagalaum ang Senador nga dalayun na nga mangin layi ang amo nga hagna agud indi na pagproblemahon sang mga LGUs kung diin pakadtoon ang mga evacuees.
Sa datos nga nakuha ni Go, yara sa kapin 28,000 centers sa bilog nga pungsod ang ginagamit nga evacuation kung sa diin halos tanan mga multi-purpose halls, covered court, simbahan, ukon eskwelahan.
Dugang pa sang senador nga dako nga butang nga may mandatory evacuation centers agud indi na pagpangitaan pa sang masayluhan ang mga evacuees samtang nagabangon sa kalamidad.
