Ginpatuman sang provincial government sang Catanduanes ang mandatory evacuations sa mga lugar nga ginakabig nga high-risk.
Ini matapos nga nagtupa ang mabaskog nga ulan tuga sang shear line nga nagtuga sang pagbaha kag pagkatiphag sang duta sa pila ka mga banwa sa probinsya.
Suno kay Governor Patrick Alain Azanza, ginmanduan ang tanan nga mga alkalde kag chairpersons sang Municipal Disaster Risk Reduction and Management Council (MDRRMC) nga gilayon nga ipatuman ang mandatory evacuations, ilabi na sa landslide-prone areas, low-lying communities, riverbanks, kag coastal areas nga vulnerable sa pagbaha, pagbaha sang duta.
Lakip sa mga apektado nga banwa amo ang San Miguel, Viga, Bato, kag Bagamanoc.
Sa isa ka memorandum, ginhatagan pagtamod sang gobernador nga pagahimuon ang nagakaigo nga tikang batok sa mga pumuluyo nga nagapamalibad sa pagtuman sa evacuation orders, bilang kabahin sang mga tikang agud mapasiguro ang kaluwasan sang publiko sa tunga sang malain nga panahon.
Samtang, ginkumpirmar naman sang kapulisan ang kamatayon sang 32-anyos nga lalaki matapos nga gin-anod sang flash floods sa Barangay Bigaa, Virac.
