ROXAS CITY-Pilason ang magulang matapos nga ginaalegar nga ginlabo sang kaugalingon nga manghod sa Barangay San Rafael, Dumalag Capiz.
Ginkilala ang biktima nga si Anthony Biaco, residente sang amo nga lugar.
Sandig sa inisyal nga imbestigasyon sang Dumalag Municipal Police Station nagaguwa nga nagpauli ang biktima sa ila nga panimalay nga yara sa idalom sang impluwensiya sang makahulubog nga ilimnon kun sa diin may nagluntad nga pagbinaisay sa tunga sang biktima kag manghod sini nga suspek nga ginkilala nga si Ariel Biaco, residente sang amo man lang lugar.
Ginaalegar nga nagkuha sang sanduko ang suspek kag ginlabo ang biktima.
Nag-angkon sang pilas sa kamot kag sa likod ang biktima nga gindala sa Dao District Hospital kag padayon nga ginabulong.
Samtang ang suspek naman ang madasig nga nagpalagyo matapos ang insidente.
