ROXAS CITY – Ginhilway na sa karsel ang manghod nga suspetsado ginapahayag naglabo sa iya kaugalingon nga magulang sa Barangay Balingasag, Cuartero, Capiz, sadtong tinalikdan nga Oktobre 8, bangud nagtakop na ang reglementary period of detention sini.
Matandaan nga ginkilala ang magulang kay alyas “Nestor” samtang ang iya manghud amo si “Virgilio” mga residente sang nasambit nga barangay.
Suno sa impormasyon, nagapauli na ang mga ini nagikan sa okasyon kag lunsay nakainum sang makahulubog nga ilimnon.
Ginpahayag nga may nagluntad nga indi pag-intindahanay sa tunga sang mag utod rason agud magkuha sang hinganiban ang manghud sini kag gilayon nga ginlabo ang iya magulang.
Bangud sini, nag-angkon sang pilas sa agtang kag kamot ang biktima.
Gilayon naman nga ginpadangat sa pinakamalapit nga ospital ang biktima agud dapatan sang nagakaigo nga pagbulong.
