ROXAS CITY -Padayon nga ginabulong sa ospital ang 39-anyos nga mangingisda matapos ginluthang sang ginaalegar chief tanod sang Barangay Balaring, Ivisan.
Nag-angkon sang pilas sa nawala nga bahin sang dughan ang biktima nga si Alfonso Villar sang Sitio Nailong, Barangay Balaring, Ivisan.
Ba-se sa imbestigasyon sang Ivisan PNP nga nagguwa sa binaylihan ang biktima kag samtang yara ini sa basketball court sang Sitio Proper sang amo nga barangay hinali na lamang siya ginluthang sang suspek nga si Arnold Calzado gamit ang wala nahibaluan nga kalibre sang pusil.
Gilayon ini nga gindala sa Roxas Memorial Provincial Hospital agud madapatan sang pagbulong ang iya nga pilas.
Ginapangita na sa karon ang chief tanod nga gilayon nagpalagyo matapos ang insedente.
