Mangingisda nga ginaalegar ginlampusan sang butong, nagpabalhag sa pulisya

ROXAS CITY – Nag-angkon sang pagpalanakit kag pilas sa kalawasan ang isa ka 53-anyos nga mangingisda matapos nga ginaalegar ginlamposan sa Barangay Libas, Roxas City.

Ginkilala ang tagreklamo nga si Lucibar Galleno sang nasambit nga lugar.

Sandig sa ginpabalhag sang tagreklamo nga samtang nagapinta ini sang iya nga sakayan ukon baruto hinali na lamang ini ginlamposan sang butong sang mga suspek nga si Alias Botong Dela 23-anyos kag Rollen Billones sa wala matumod nga rason kag madasig nga nagpalagyo.

Nahibaluan nga yara sa idalom sang impluwensya sang makahulubog nga ilimnon ang mga suspek sang natabo ang insidente.

Bangud diri, ginpakamaayo na lamang sang tagreklamo nga ipabalhag sa pulisya ang natabo.