Mangingisda nga wanted sa kaso nga Homicide, dakup sang mga kapulisan

ROXAS CITY -Arestado ang isa ka mangingisda matapos ginserbihan sang warrant of arrest sang mga kapulisan sa Barangay Olotayan, Roxas City.

Pinaagi sa gintingub nga puwersa sang Roxas City PNP, Criminal Investigation and Detection Group – Capiz kag 602^ND Maritime Police Station natigayon nga madakpan ang akusado nga si Rafael Anisco 41-anyos kag residente sang Almalbis Village Barangay Culasi sining syudad.

Panombongon nga Homicide ang ginapangatubang sang nga akusado kun sa diin ang warrant of arrest ang gin-issue kag ginpirmahan ni Hon. Presiding Judge Alma N. Banias Delfin, Presiding Judge of RTC, 6th Judicial Region Branch 15, Roxas City nga napetsahan Hulyo 29 sini nga tuig.

Kapin P120,000 naman ang gin-rekomendar nga piyansa para sa temporaryo nga kahilwayan ni Anisco.

Nagapabilin sa karon sa karsel sang Roxas City Police Station ang nasambit nga akusado