Manguguma arestado matapos ginserbehan sang warrant of arrest sa banwa sang Sigma

ROXAS CITY-Arestado 36-anyos nga mangunguma matapos nga ginserbehan sang warrant of arrest sa Barangay Mangoso Sigma, Capiz.

Ginkilala ang akusado nga si Roberto Matillano, residente sang nasambit nga lugar.

Panombongon nga sexual assault ang ginapangatubang nga panombongon ni Matillano kun sa diin ang warrant of arrest sini ang gin-issue kag ginpirmahan ni Hon. Presiding Judge Romel Leonor sang RTC 6^th Judicial Region Branch 21, Roxas City hall of Justice.

P108,000 ang ginrekomendar nga piyansa sang korte para sa temporaryo nga kahilwayan sang nasambit nga akusado.