Mangunguma ginserbihan sang WOA sang mga kapulisan sa kaso nga Homicide

ROXAS CITY – Arestado ang isa ka mangunguma matapos nga ginserbihan sang mandamiento de aresto sang mga kapulisan sa Barangay Sta.Rita, Dumalag, Capiz.

Ginkilala ang naaresto kay Rico Feca, 33 anyos, kag residente sang nasambit nga lugar.

Natigayon nga maaresto sang mga katapo sang Dumalag PNP ang amo nga persona sa kaso nga Homicide.

Ang nasambit nga warrant of arrest gin-issue kag ginpirmahan ni Hon. Judge Romel Leonor, Presiding Judge of RTC Branch 21, Mambusao Capiz sadtong Agosto 11, 2020.

Ginrekomendar naman sang korte ang Php120,000 nga piyansa para sa temporaryo nga kahilwayan ni Feca.

Sa karon, nakahunong na sa karsel sang Dumalag Municipal Police Station ang nasambit nga akusado.