ROXAS CITY – Patay ang isa ka mangunguma matapos nga nagbitay sa ginapahuwayan sini nga payag sa Sitio Makabales, Barangay Agloway, Panit-an, Capiz.
Ginkilala ang biktima kay Reynaldo Beldia, 50 anyos, laon kag isa ka mangunguma nga residente man sang nasambit nga lugar.
Suno kay Police Staff Sergeant Manuel Kenneth Anisco, imbestigador sang Panit-an Municipal Police Station, nagpadulong ang pakaisa sang biktima sa ginapulian sini nga payag kag iya ginkakibot sang makit-an nga nagabitay si Beldia sa puno sang kahoy gamit ang kable sang antenna.
Mahibaluan nga naga-estar ang biktima sa balay sang pakaisa kag sa amo nga payag ini nagapahuway kun nagatrabaho sa uma.
Ginapatihan nga madugay na nga may ginabatyag nga balatian ang biktima.
Sa karon nagapadayon ang imbestigasyon sang mga otoridad sa nasambit nga insidente.
