Sigma, Capiz – Patay ang isa ka 42 anyos nga mangunguma matapos nga napilpilan sang Dump Truck sa Barangay Matangcong, Sigma, Capiz.
Ginkilala ang biktima kay Rosito Dalmacio sang nasambit nga lugar.
Base sa imbestigasyon sang Sigma PNP nga nagasakay ang biktima sa dump truck nga may karga nga mga buga nga ginamaneho naman ni Louie Barnal, 37 anyos sang Dingle, Iloilo.
Naggikan ang dump truck sa nasambit nga lugar kag magapadulong na kuntani sa Barangay Acbo sang nasambit nga banwa.
Nahibaluan nga naglumpat ang biktima sang nakit-an sini nga natiphag ang duta nga ginaagyan sang dump truck apang wala sini ginalauman nga sa iya paglumpat didto man natumba ang dump truck rason nga napilpilan ini.
Gintinghuan pa nga madala sa ospital ang biktima apang gindeklarar na ini nga dead on arrival sang doktor.
Samtang, nagapabilin naman nga at-large ang suspek matapos ang insidente.
