-- ADVERTISEMENT --
ROXAS CITY – Patay na sang masapwan sang isa ka residente sang Barangay Agnorte, Sapian, Capiz ang 54-anyos nga mangunguma sa kilid sang karsada.
Ginkilala ang biktima nga si Rodrigo Alcansado nga nakita nga nagakulob sa kilid sang karsada sang isa ka umalagi nga si Evelyn Olmo.
Sa inisyal nga imbestigasyon sang kapulisan, nakita ang isa ka pilas sa nalikod nga porsyon sang lawas sang biktima nga ginapatihan tuga sang pagpangluthang.
Narekober ang isa ka empty shell sang wala pa matumod nga armas sa lugar nga ginluntaran sang krimen.
