Mangunguma, nasapwan-patay sa Barangay San Jose

ROXAS CITY – Patay na sang nasapwan ang isa ka mangunguma sa Sitio Tugas, Barangay San Jose, Roxas City.

Ginkilala ang biktima nga si Ronnie de Olino, residente sang nasambit man nga lugar.

Sa interview sang Bombo Radyo kay Anthony Dapulano, abyan sang biktima, mismo ang pakaisa ni De Olino ang nakasapu sa iya nga nagakulob kag wala na sang kabuhi.

Mahibaluan nga magapaligo kuntani ang iya pakaisa sang nasapwan sini ang biktima.

Suno kay Dapulano nga posible bangud sa iya gina-suprehir nga balatian ang gintunaan sang kamatayon sang biktima bangud masami ini nagasuka sang dugo.

Ginpahayag pa ni Dapulano nga nagaisahanon lamang nga naga-estar sa iya balay ang biktima.