ROXAS CITY – Nagapabilin sa isa ka pribado nga ospital ang 36-anyos nga mangunguma matapos nga ginaalegar gintiro sa Barangay Caridad, Jamindan Capiz.
Ginkilala ang biktima nga si Orly Cornillo sang nasambit nga lugar.
Base sa inisyal nga imbestigasyon sang Jamindan Municipal Police Station nga samtang yara sa iya ulumhan ang biktima hinali na lamang nga nag-abot ang suspek nga si Joandre Carbosa 34-anyos sang amo nga lugar.
Ginaalegar nga gintiro ang biktima gamit ang 12-gauge shotgun nga armas luthang.
Gindala pa sa Mambusao District Hospital ang biktima apang gilayon man ini ginsaylo sa isa ka pribado nga ospital sa siyudad sang Roxas.
Sa karon, nakahunong na sa karsel sang Jamindan PNP ang nasambit nga suspek matapos nga boluntaryo man ini nagsungka sa mga kapulisan matapos ang insidente.
Ginapahayag nga posible problema sa duta ang motibo sa insidente.
