ROXAS CITY – Patay ang isa ka 20 anyos nga mangunguma matapos nga ginaalegar nagbitay sa Barangay Malitbog, Tapaz, Capiz.
Ginkilala ang biktima nga si Alyas “Nonoy”, sang nasambit nga lugar.
Suno kay Police Senior Master Sergeant Rocer Garde, imbestigador sang Tapaz Municipal Police Station nga takna alas 10 kagab-i sang nagbiya ang biktima sa ila balay kag makaligad ang pila ka oras wala na ini makabalik rason nga ginpangita ini sang iya pamilya.
Nadiskubrehan na lamang ang biktima nga wala na sang kabuhi sa likod sang ila balay sa diin nakabitay na ini gamit ang nylon nga nakahigot sa kahoy sang mabolo.
Nahibaluan nga nakatuad pa ang biktima sa iya iloy nga maga-suicide ini sang nagligad nga mga inadlaw apang wala naman ini ginpatihan.
Gindala pa ang biktima sa Tapaz District Hospital apang gindeklarar man ini nga dead on arrival sang attending physician.
