Patay ang 58-anyos nga mangunguma matapos nga ginaalegar naghikog sa isa ka barangay sa banwa sang Dumarao.
Sa inisyal nga interview sang Bombo Radyo kay Police Staff Sergeant Salvador Facto, imbestigador sang Dumarao Police Station ginpahayag sini nga katapusan nakit-an ang biktima kagab-e nga nagalantaw sang telebisyon apang hinali na lamang ini nga nangindulaan.
Sang ginpangita sang iya nga mga himata, nakit-an na lamang nga nagabitay na ini sa ibaibaw sang kahoy kag wala na sang kabuhi.
Sa dugang nga pagpangusisa sang mga kapulisan, nakompirmar nga masami nagapamahog nga maghikog ang amo nga biktima.
Mahibaluan nga separado sa pamilya ang biktima kag ginaalegar nga may yara sang deperensiya sa paminsaron.
Samtang nagapati ang mga himata sini nga wala sang foul play sa kamatayon sang biktima.
