ROXAS CITY – Patay ang isa ka mangunguma matapos mabun-an sa Barangay Roxas, Tapaz, Capiz.
Ginkilala ang biktima kay Rondily Tupaz, 26 anyos kag residente sang Barangay Mabini, Tapaz apang temporaryo nga nagaisatar sa Barangay Roxas, Tapaz.
Base sa inisyal nga imbestigasyon nga samtang nagahampang sang baraha kag naga-inom sang makahulubog nga ilimnon ang biktima kag ang suspek nga si Raymond Gardose, 30 anyos kag residente sang Barangay Agpalali, Tapaz sa isa ka bilasyonan sang hinali nga nagsugod ang wala pag-intindihanay sa tunga sang nasambit nga mga persona rason nga nagresulta ini sa pagbinaisay.
Bangud diri, hinali nga gingabot sang suspek ang iya kutsilyo kag ginbuno ang biktima sang makaisa ka beses nga naigo sa nawala nga abaga lapos sa iya baga.
Madasig nga gindala ang biktima sa Tapaz District Hospital apang gin-referred sa isa ka ospital sa probinsya sang Iloilo.
Apang, samtang ginasakay sa sakay sa isa ka ambulansiya ang biktima ginbawian ini sang iya kabuhi.
Padayon sa karon nga ginaayam sang mga kapulisan ang suspek matapos nga makapalagyo.
