ROXAS CITY – Patay ang 41-anyos nga mangunguma matapos nga nakuryente, sa Barangay Rizal, Pontevedra, Capiz.
Ginkilala ang biktim kay Gerald Napacia Ballao, residente sang nasambit nga barangay.
Sandig sa impormasyon nga nakuha sang Bombo Radyo sa Pontevedra MPS, ba-se sa imbestigasyon sang kapulisan nga mga alas-8:40 kagab-i sang Sabado, sang nagpadulong ang biktima sa talamnan sang iya kalabasa.
Apang, nakit-an sini ang kable sang kuryente nga nagalaylay sa iya tanom, rason nga gintuyo sini butong nga gintunaan sang iya pagkakuryente.
Ginpadangat ini sa Bailan District Hospital, apang gindeklarar sang doktor nga dead on arrival.
Nahibaluan nga ang nagalaylay nga kable sang kuryente ang nagakonektar sa poste sang Capiz Electric Cooperative (CAPELCO).
Sa karon, yara na ang bangkay sang biktima sa isa ka punerarya sa amu nga banwa.
