ROXAS CITY – Patay ang isa ka mangunguma matapos sungayon sang hinuptan nga karabaw sa Barangay San Antonio, Tapaz, Capiz.
Ginkilala ang napatay nga si Susen Famocol 49-anyos nga nag-angkon sang pilas sa tiyan kag paa samtang pilason naman ang asawa nga si Arlene Famocol 41-anyos nga nag-angkon sang pilas sa paa.
Nahibaluan nga ginsugat sang asawa ang iya nga mister sa ila nga ulumhan sang makit-an ang pagdalagan sang karabaw padulong sa direksyon sang iya nga bana.
Sa kagustuhan nga mapalayo sa disgrasya ang mister, gilayon sini nga ginkuha ang pisi apang ulihi na bangud ginsungay na ang biktima sang hinuptan nga karabaw.
Samtang sang makita naman sang sapat ang presensiya ni Arlene, gilayon ini nga nagpadulong sa iya direksyon apang maswerte nga nakadalagan ang ginang.
