ROXAS CITY – Patay ang isa ka mangunguma matapos gintiro kag ginlabu sang mag-utod sa Sitio Nasunugan, Barangay Salgan, Maayon, Capiz.
Ginkilala ang biktima kay Manuel Baletro alyas ‘Apog’, 46 anyos, residente sang nasambit man nga lugar.
Ang mga suspetsado amo ang mag-utod nga sanday Elmer Dellava alyas ‘Botsoy’, 47 anyos, kag Joemer Dellava, 44 anyos.
Base sa inisyal nga imbestigasyon sang Maayon Municipal Police Station, nagapauli na ang biktima kaupod ang iya live-in partner sang makasugata ang mga suspek.
Diri kag una nga gintiro ang biktima kasunod sang paghatuk-hatok sang labu sa iya sa magkatuhay nga parte sang lawas.
Naaresto ang mga suspek sa hot pursuit operation sang mga kapulisan apang gilayon man nga ginhilway matapos nag-execute sang affidavit of non-interest ang utod sang biktima nga si Danila Baltero.
Ginapatihan nga daan nga hiligut-anon kag pagtimalos ang motibo sa nasambit nga krimen.
