DUMARAO, CAPIZ – Patay ang isa ka mangunguma matapos tiruhon sang tatlo ka mga suspek sa Sitio Agkawayan, Barangay Astorga, Dumarao, Capiz.
Ginkilala ang biktima nga si Jessie Jarloc 55-anyos sang nasambit nga lugar kag nag-angkon sang siyam ka mga pilas sa lawas.
Ba-se sa imbestigasyon sang Dumarao PNP gikan sa isa ka ilimnan ang biktima kag nagapauli na kaupod ang asawa sang ginbanggaan sang tatlo ka mga suspek nga naka-bonnet kag ginluthang.
Nakapalagyo pa si Jarloc apang ginlagas ini sang mga suspek kag gintiro.
Gindala pa sa ospital ang biktima, apang gindeklara nga dead on arrival sang doktor.
Samtang ginapatihan nga .45 caliber pistol ang gingamit nga armas sa pagpatay sa biktima.
PAdayon ang imbestigasyon sang mga kapulisan agud matumod ang mga responsable sa krimen.
