Mangunguma pilason matapos aksidente nabungguan sang motorsiklo

ROXAS CITY – Pilason ang isa ka mangunguma matapos aksidente nga nabungguan sang motorsiklo sa Barangay Codingle, Dumarao, Capiz.

Ginkilala ang biktima nga si John Cris Dela Cruz 31-anyos sang Barangay Salcedo, sang nasambit nga banwa.

Base sa inisyal nga imbestigasyon nga samtang nagalakat ang biktima aksidente na lamang ini nabungguan sang motorsiklo nga ginamaneho ni Jerson Porras 25-anyos sang Barangay Malonoy sang amo nga banwa nga padulong kuntani sa direksyon sang Passi.

Bangud diri, lunsay nag-angkon sang pilas sa lawas ang biktima kag driver sang motorsiklo nga gilayon naman gindapatan sang nagakaigo nga pagbulong.

Padayon naman ang imbestigasyon sang mga kapulisan sa nagluntad nga aksidente.