ROXAS CITY – Pilason nga ginpadangat sa Roxas Memorial Provincial Hospital ang isa ka 56 anyos nga mangunguma matapos aksidente nga matiruhan sini ang kaugalingon nga kinatawo sa Pres. Roxas, Capiz.
Ginkilala ang biktima nga si Teodorico Casabon sang Barangay Goce sang nasambit nga banwa.
Sandig sa inisyal nga imbestigasyon ni Police Master Sergeant Raffy Villariez, imbestigador sang President Roxas PNP, samtang ginabulsa sang biktima ang iya 357 revolver, aksidente sini nga napitik ang gatilyo rason nga naigo ang nawala sini nga parte sang kinatawo lusot sa nawala sini nga paa.
Gilayon naman nga gindala ang biktima sa Bailan District Hospital apang gilayon man nga ini ginsaylo sa Roxas Memorial Provincial Hospital para sa nagakaigo nga pagbulong.
Padayon naman ang ginapatigayon nga imbestigasyon sang mga kapulisan sa nasambit nga insidente.
