CUARTERO – Pilason ang isa ka mangunguma matapos ginlabo sa Barangay Agdahon, Cuartero Capiz.
Ang biktima amo si alyas Nonoy, 26 –anyos kag ang suspek amo si alyas ‘Rechico’, 45-anyos, lunsay mga residente sang nasambit nga lugar.
Sa interview sang Bombo Radyo kay Police Captain Jesse Lepaña, Officer-in-Charge sang Cuartero Municipal Police Station, iya ginpahayag nga nag-inom ang duha sa balay sang suspek kag didtu nagluntad ang indi pag-intindihanay nga nagresulta sa pagpanglabo.
Suno kay Police Captain Lepaña, naka-angkon sang pilas sa bahin sang sag-ang ang biktima nga gindapatan sang pagbulong.
Pahayag pa niya, gilayon man nga nadakpan ang suspek nga nakahunong na sa Cuartero Municipal Police Station.
Sa subong, wala pa sang pahayag ang pamilya sang biktima kung magapasaka sila sang kaso batok sa suspek.
Nagpanawagan man ang natungdan nga maghagan-hagan sa pag-inom sang makahulubog nga ilimnon agud malikawan na ang nasambit nga aksidente.
