Pilason nga ginpadangat sa ospital ang isa ka mangunguma nga ginlabo sang kasubong nga mangunguma nga kaupod sini sa ilimnan sa banwa sang Dumarao, Capiz.
Nag-angkon sang pilas sa nawala nga kamot ang biktima nga si Jan-Jan Vergara 31-anyos sang Sitio Mahabang Sapa, Barangay Malonoy, Dumarao matapos lab-on ni Rolly Hauder 40-anyos.
Nagaguha sa imbestigasyon nga magkaupod inum ang duha sang nakaangkon sang pagbaisay sa diin hinali nga ginsumbag sang biktima ang suspek.
Bangud sa kaakig sang suspek ginbunot sini ang binangon kasunod ang paglabo sa biktima.
Gilayon nga gindala sa Senator Gerardo Roxas Memorial District Hospital ang biktima agud madapatan sang nagakaigo nga pagbulong ang naangkon nga samad.
Samtang boluntaryo nga nagsungka sa mga kapulisan si Hauder dala ang binangon nga gingamit sa paglabo sa biktima.
