MAAYON< CAPIZ _- Pilason nga ginpadangat sa Bailan District hospital ang isa ka mangunguma matapos ginluthang sang isa ka chainsaw operator sa Barangay Quevedo, Maayon, Capiz.
Nagsuprer sang pilas sa abaga ang biktima nga si Freddie Dela Cruz 50- anyos sang amo nga lugar bangud sa pagluthang sa iya sang suspek nga si Mario Sindingan 52-anyos sang Barangay Parallan, Maayon.
Ba-se sa report nga yara sa iya balay ang biktima sang ginkadtuan sang suspek kag ginkumpronta angut sa pila ka nagalapta nga isyu.
Ginapatihan sang suspek nga ang biktima ang nagapalapta sang estorya nga may kahilabtanan ini sa natabo nga pagpangastigo.
Nakaangkon sang pagbaisay ang duha tobtob ginkuha sang suspek ang .45 caliber pistol kasunod ang pagtiro sa biktima.
Gilayon nga gindala sa ospital si Dela Cruz agud madapatan sang nagakaigo nga pagbulong ang naangkon nga samad, samtang madasig nga nagpalagyo ang suspek matapos ang insedente.
