ROXAS CITY, CAPIZ- Tuman ang kalipay sang mga mangunguma sa nabaton sang ila nga asosasyon nga makinarya halin sa Rice Competitiveness Enhancement Fund (RCEF) Mechanization Program sang Philippine Center for Postharvest Development and Mechanization (PhilMech).
Sa interview sang Bombo Radyo kay Rogie Besorio, myembro sang Panay Bago Grande Association, iya ginpahayag nga dako gid nga bulig para sa ila ang pag-angkon sang rice harvester.
Suno kay Besorio, mabudlay na sa subong makakita sang tawo nga mano-mano ang pag-ani.
Pahayag pa niya, may yara sang 127 nga mga myembro ang ila asosasyon nga sigurado makabenepisyo gid sang amo nga makinarya.
Nagpasalig ang natungdan nga halongan kag gamiton nila sang maayo ang amo nga gamit agud nga mas mapaayo ang produksyon sang ila nga mga agricultural products.
Interviewed by Bombo Jessa Mae Siman De Los Santos
