Nanindugan si Manila Archbishop Jose Cardinal Advincula nga indi siya mag-endorso sang sin-uman nga kandidato sa 2025 Midterm Elections.
Suno kay Advincula, welcome sa gihapon ang mga kandidato nga magkadto sa Archdiocese of Manila apang indi na suno niya igahatag ang iya nga endorsement kun kay sin-uman.
Suno pa sa arsobispo, bukas siya nga magpakita sa sin-uman nga kandidato apang ini agud maghatag lamang sang spiritual guidance.
Kun makuha-an man ini sang laragway kaupod ang isa ka kandidato, ginpahayag ni Advincula nga indi ini dapat tratuhin bilang pag-endorso sang Catholic Church.
Suno pa kay Advincula, sin-uman nga kandidato ang may kinamatarung magpangayo sang guidance nagikan sa simbahan kag blessing nagikan sa arsobispo, nga hugot man niya nga ginahatag sa mga ini.
