Ginpahayag sang Filipino-Canadian actor nga si Manny Jacinto ang iya nga interes nga maghimo sang pelikula sa Pilipinas, kalakip na ang pag-arte kag pagsulat sang mga istorya nga pwede mahimo sa pungsod.
Sa isa ka interview, ginpakigbahin ni Manny nga sa karon nagahimo siya istorya hanungo sa bulang, apang gin-athag sini nga wala ini sang kaangtanan sa mga nadula nga mga manugbulang. Istorya ini suno sa iya sang isa ka pamilya kag indi pa sini mapakigbahin gid sang bilog.
Apisar, tatlo ka tuig pa lang siya sang naghalin sa Canada, ginsiling ni Manny nga naintyendihan niya man sa gihapon ang istorya sang Filipino kag may mga kaperyentehan pa siya diri sa Pilipinas, labi na sa bahin sang iya nga amay.
Matapos ang pila ka-tuig sa Hollywood, ginpakigbahin man ni Manny Jacinto ang iya nga eksperyensya sa industriya, kalakip ang madamo nga pagpamalibad sa iya bilang isa ka Asian kag Filipino actor.
Nahibaluan nga nagbisita si Manny Jacinto sa Pilipinas para i-promote ang iya pelikula nga “Freakier Friday”, sequel sang 2003 film nga Freaky Friday. Magaganap ini siya bilang Eric Reyes, isa ka Filipino-British chef nga igakasal kay Anna Coleman nga ganapon ni Lindsay Lohan sa pelikula.
