Manny Pacquiao, ginatun-an na ang possible nga sambuwa batuk kay undefeated four-division champion Shakur Stevenson

Yara na sa advanced talks ang kampo ni eight-division world champion Manny Pacquiao para sa posible nga sambuwa sa undefeated four-division champion Shakur Stevenson antes matapos ang 2026.

Suno sa kampo ni Pacquiao, ginatun-an pa nila ang mga detalye sang match, lakip na ang eksakto nga kabug-aton.

Nahibaluan nga nagdesisyon ang kampo ni Pacquiao nga mangita sang iban nga kontra matapos nga ginpaisol sa Enero 2027 ang iya rematch kay Floyd Mayweather Jr.

Apisar nga wala pa sang pormal nga kontrata, nagalaum ang mga fans nga magapadayon ang sambuwa sang 47-anyos nga si Pacquiao kag 29-anyos nga si Stevenson antes matapos ang tuig.